Viloyat hokimligi va prokuraturasi, Harbiy prokuratura, Bandlik bosh boshqarmasi, Markaziy bank viloyat bosh boshqarmasi hamkorligida Buxoro shahridagi “Ishga marhamat” monomarkazida mehnat yarmarkasi tashkil etildi.

Unda 70 ta korxona va tashkilot o’zida vakant bo’lgan 1 ming 423 ta bo’sh ish o’rni bilan qatnashdi.

Mehnat yarmarkasida ish bilan band bo’lmagan fuqarolar, aholining ijtimoiy muhofazaga muhtoj qatlamidan 2 ming nafar fuqaro ishtirok etgan bo’lsa, ularning 366 nafari o’zi tanlagan kasb-korda ishga joylashish uchun yo’llanmaga ega bo’ldi. Shuningdek, 445 nafar ishsiz fuqaro haq to’lanadigan jamoat ishlariga jalb etilib, yana 221 nafar fuqaroga kasbga o’qitish uchun yo’llanmalar berildi. Bundan tashqari, shu kunning o’zida 1194 nafar ishtirokchiga mehnat qonunchiligiga oid huquqiy yo’l-yo’riq va maslahat berildi.

Buxoro davlat universiteti hamda Buxoro viloyat bandlik bosh boshqarmasi hamkorligida «bo’sh ish o’rinlari» mehnat yarmarkasi o’tkazildi

Talabalar va bitiruvchi yoshlar uchun viloyatning sohalar bo’yicha Xalq ta’limi sohasida 1261 ta, maktabgacha ta’lim sohasida 696 ta, tibbiyot sohasida 839, sanoat sohasida 1435 ta, qurilish sohasidan 805 ta, qishloq xo’jaligi sohasida 2032 ta, va boshqa sohalar bilan birgalikda jami 8000 dan ziyod bo’sh ish o’rinlari taklif etildi. Yarmarkada 100 dan ortiq korxona tashkilotlar jalb qilingan bo’lib, 3500 ga yaqin talabalar qatnashdi. Tadbir davomida 200 dan ortiq ishga joylashish bo’yicha kelishuvga ega bo’lindi, hamda 50 ga yaqin o’zaro hamkorlik aloqalari o’rnatildi

O’zbekiston Respublikasi Bandlik va mehnat munosabatlari vaziri Olot tumanida

“Xalq davlat idoralariga emas, davlat idoralari xalqimizga xizmat qilishi kerak. Zero, xalqimiz o‘z hayotida ijobiy o‘zgarishlarni ertaga yoki uzoq kelajakda emas, aynan bugun ko‘rishi kerak!”. Mamlakatimiz Prezidenti Shavkat Mirziyoyevning insonparvarlikka yo‘g‘rilgan bu olijanob da’vatlariga javoban bugun O‘zbekiston Respublikasi Bandlik va mehnat munosabatlari vaziri Nozim Husanov Olot tumanida tuman aholisi bilan sayyor qabul o‘tkazdi. Sayyor qabul jarayonida Bandlik va mehnat munosabatlari vaziri Nozim Husanov, tuman hokimi Nargiza Nematova hamda sektor rahbarlari ishtirok etishdi. Qabulda ishga joylashtirish, imtiyozli kredit olish, kasbga o‘qitish, jamoat ishlariga jalb qilish bo‘yicha 13 nafar fuqarolarning murojaatlari tinglandi. Aholi tomonidan qilingan murojaatlar joyida o‘z yechimini topdi. Murojaatlar davomida aholi uchun muhim bo‘lgan boshqa sohalardagi muammolar yuzasidan ham aholining takliflari tinglandi. Qabul jarayonida mutasaddilar tomonidan qayd etilganidek, mamlakatimizda aholi bandligini ta’minlash, mehnatga layoqatli fuqarolarning mehnat qilish va tadbirkorlik faoliyatini amalga oshirishi uchun shart-sharoitlar yaratish ustuvor masalaga aylandi. Davlatimiz rahbarining joriy yil 11 avgustda qabul qilingan “Kambag‘al va ishsiz fuqarolarni tadbirkorlikka jalb qilish, ularning mehnat faolligini oshirish va kasb-hunarga o‘qitishga qaratilgan hamda aholi bandligini ta’minlashga oid qo‘shimcha chora-tadbirlar to‘g‘risida”gi qarori bu borada muhim dasturilamal bo‘lmoqda. Olot tumanida ishsizlar ro‘yxatida turgan ayollarni ish bilan ta’minlash, ularni foydali mehnatga jalb qilish maqsadida bugun 15-sonli bolalar musiqa va san’at maktabida, kasb-hunar maktablarida o‘qigan 21 nafar ishsiz fuqarolar subsidiya shartlari asosida uy sharoitida daromad topishlari uchun mehnat uskunalari bilan ta’minlandilar. Bu esa 21 ta oilaning muammolari o‘z yechimini topib, doimiy daromad manbaiga ega bo‘ldi degani.

BUXORO SHAHRIDA MONOMARKAZ FAOLIYATINI BOSHLADI

Buxoro shahridagi “Ishga marhamat” monomarkazi quyidagi o’quv kurslariga taklif etadi:
-Neyl stilist – 2 oy
-Kosmetolog -2 oy
-Ayollar sartaroshi -3 oy
-Erkaklar sartaroshi -2 oy
-Tikuvchi – 3 oy
-Oshpaz -2 oy
-Qandolatchi -2 oy
-Uqalovchi (bolalar uchun) -2 oy
-Uy hamshirasi -4 oy
-Enaga (yosh va nogiron bolalar,qarilarga xizmat korsatish) -2 oy
-Santexnik -3 oy
-Elektrik -3 oy
-Maishiy uy-rozgor elektrotexnik buyumlarni tamirlash ustasi -3 oy
-Payvandlovchi
-3 oy
-Kran boshqaruvchisi -3 oy
-Avtoservis xizmat korsatish ustasi -4 oy
-Alyumin va plastmassa profillariga ishlov berish ustasi -3 oy
-Parrandachilik -3 oy
-Issiqxona ishlari mutaxassisi -3 oy
-Qishloq xojalik mahsulotlarini qayta ishlash -3 oy
-Rus tili -Ingliz tili -Koreys tili -Yapon tili -3 oy
-Kompyuter web-dizayn -3 oy
-1C buxgalteriya +byudjet tashkilotlariga buxgalter -2 oy
Manzil: Buxoro sh. Piridasgir ko’chasi 13 uy
Tel:+998992550037

Vazir “Yilning eng faol yosh xodimi” ko‘rik-tanlov g‘oliblarini taqdirladi

Vazir “Yilning eng faol yosh xodimi” ko‘rik-tanlov g‘oliblarini taqdirladi

Davlatimiz rahbarining farmonida belgilab berilgan ustuvor yo‘nalishlarga muvofiq, Bandlik va mehnat munosabatlari vazirligi tizimidagi yoshlarni qo‘llab-quvvatlash bo‘yicha “Yilning eng faol yosh xodimi” ko‘rik-tanlovi o‘tkazildi.

Bugun ko‘rik-tanlovning yakuniy Respublika bosqichida go’lib bo’lgan uch nafar nomzod taqdirlandi.

Tanlov g‘oliblari:
III –o‘rin. Toshkent shahar Bandlik bosh boshqarmasidan Akbarov Botir Murod o‘g‘li;
II-o‘rin. Samarqand viloyati Bandlik bosh boshqarmasidan Umarov Ravshan Anvar o‘g‘li;
I-o‘rinni Buxoro viloyati Bandlik bosh boshqarmasidan Boqiyeva Zarina Shavkat qizi egalladi.

Shuningdek, vazirlik tizimida faol ishlab kelayotgan yoshlarga ham tashakkurnoma hamda esdalik sovg’alari topshirildi.

Buxoro shahrida «Bo’sh ish o’rinlari» mehnat yarmarkasi o’tkazildi

Unda 354 ta korxona va tashkilotlar o’zlarida mavjud jami 5098 ta ish o’rinlari bilan ishtirok etdi

Yarmarka davomida 1059 nafar fuqarolar ish beruvchilar bilan mehnat shartnomalarini imzoladi. Shuningdek, Buxoro shahridagi «Yoshlar daftari»ga kiritilgan 96 nafar fuqarolarga kasbga o‘qitilganlik sertifikati asosida subsidiya tartibida ish anjomlari va texnikalar ajratilgan bo‘lsa, 20 nafar ayolga tikuv mashinalari imtiyozli kredit asosida rasmiylashtirilib berildi.